Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Naat KhawanQari Waheed Zafar Qasmi

Khula Hai Sabhi Ke Liye Baab-e-Rahmat

Khula hai sabhi ke liye Baab-e-Rahmat
Wahan koi rutbe me adna na aali

Muradon se daman nahin koi khali
Kataren lagaye khade hain sawali

Main pahle pahal jab madeene gaya tha
To thi dil ki halat tadap jane wali

Wo darbar sachmuch mere samne tha
Abhi tak tasawwur tha jis ka khyali

Main ek hath se dil sambhale hue tha
To doosre hath rauze ki jali

Dua ke liye hath uthte to kaise
Na ye hath khali na wo hath khali

Jo poochha hai tumne ke main nazar karne
Ko kya le gaya tha to tafseel sun lo

Tha naaton ka ek haar ashkon ke moti
Daroodon ka gajra salamon ki daali

Dhani apni qismat ka hai to wo hi hai
Dayar-e-Nabi (saw) jisne aankhon se dekha

Muqaddar hai sacchaa muqaddar usi ka
Nigahen karam jis pe aaqa ne daali

Main us aastan-e-haram ka gada hoon
Jahan sar jhukate hain shahan-e-alam

Mujhe tajdaron se kam mat samjhna
Mera sar hai shayan-e-taj-e-bilali

Khula hai sabhi ke liye Baab-e-Rahmat
Wahan koi rutbe me adna na aali

Muradon se daman nahin koi khali
Kataren lagaye khade hain sawali

Review Overview

Your review is very important to us. We will welcome your review and try to improve more for you. Please click on stars to give your review

User Rating: 4.15 ( 4 votes)
Tags

Leave a Reply

avatar
  Subscribe  
Notify of
Close
Close