Junaid JamshedNasheed

Mujhe Zindagi Me


1283 downloads

Kyun chaman be sada misl rim-e-shabnam hai tu
Lab kusha ho ja sarud-e-be rabte ‘alam hai tu

Mujhe zindagi me ya rab
Sar-e-bandagi ata kar
Mere dil ki be hisi ko
Gham-e-ashiqi ata kar

Tere dard ki chamak ho
Teri yaad ki kasak ho
Mere dil ki dhadkano ko
Nayi be kali ata kar

Jo tujh hi se lau laga de
Jo mujhe mera pata de
Mere ahad ki zuban me
Mujhe gum rahi ata kar

Jo dilon me noor kar de
Wo hi roshni ata kar
Meri zindagi me ya rab

Main safar me so na jaaun
Main yahin pe kho na jaaun
Mujhe zoq-o-shauq-e-manzil
Ki hama hami ata kar

Badi door hai abhi tak
Rag-e-jaan ki musafat
Jo diya hai qurb tune
To shaoor bhi ata kar

Mere qalb ko wo faize
Dar-e-arfi ata kar
Mujhe zindagi me ya rab

Bhari anjuman me rah kar
Na hun ashna kisi se
Mujhe doston ke jhurmat me
Wo be kasi ata kar

Mujhe teri justuju ho
Mere dil me tu hi tu ho
Mere qalb ko wo
Faiz-e-dar-e-‘arfi ata kar

Jo dilon me noor kar de
Wo hi roshni ata kar
Mujhe zindagi me ya rab
Sar-e-bandagi ata kar

Mujhe zindagi me ya rab
Sar-e-bandagi ata kar
Mere dil ki be hisi ko
Gham-e-ashiqi ata kar

User Rating: 5 ( 3 votes)
Tags

Leave a Reply

avatar
  Subscribe  
Notify of
Close
Close