Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Anas YounusNaat Khawan

Nikah-e-Hazrat Fatimah

Mubarak ho mubarak ho, Mubarak ho mubarak ho
Mubarak ho mubarak ho, Mubarak ho mubarak ho

Mubarak hai wo din laraib rajjab ke maheene me
Nikah-e-hazrat-e-Zohra (r.a) hua jis din madeene me

Wo Zohra (ra) haan wohi Zohra (ra) Rasoolullah (saw) ki beti
Wohi Zohra (ra) shahanshahon ke shahanshah ki beti

Wo kamli odhne wale mujassam noor ki dukhtar
Wo Abdullah (r.a) ki poti Aamna (r.a) ke phoor ki dukhtar

Wo khahar Umm-e-kulsum (r.a) aur Ruqaiya (ra) aur Zainab (r.a) ki
Wo sab bahno se chhoti isliye noor-e-nazar sab ki

Wo Qasim ki bahan wo taiyab-o-tahir ki maa jahi
Jo maa ki god me itmaam nemat ki tarah aayin

Wohi ayen naye iffat ka sabse khushnuma johar
Khdija (ra) ka hira ke batn ka ek bebaha gohar

Wo subh-e-noor chashme rahmatul lil alameen Zohra
Nageene khatme taskeen-e-khatm-ul-mursalin Zohra

Wo Zohra jo shabih-e-uswahe sarkar aali thi
Ali (r.a) se aj usi Zohra ki shadi hone wali thi

Mubarak ho mubarak ho, Mubarak ho mubarak ho
Mubarak ho mubarak ho, Mubarak ho mubarak ho

Mohajir aur ansar-e-akabir jama the sare
Utar aye the goya din ko is taqreeb me tare

Ali baizz-o-shane hashmi tha inke jhurmat me
Wo mahe asmaane hashmi tha unke jhurmat me

Na koi baja gaja tha na koi shor-o-hangama
Na shahnai na nakkara na daff thi aur na dammama

Na ranga rang poshaken na kangan tha na sehra tha
Wohi the shahe marda our wohi mardana chehra tha

Rasoolullah (saw) khud maujood the mehrab masjid me
Kami karta koi phir kis tarah adab masjid me

Rukh-e-shams-o-zuha ki soz se pur tanwir thi masjid
Sukun-o-sadgi ki khushnuma tasweer thi masjid

Zameen se asmaan tak bas gaye naghmaat ruhani
Ke khud quran atiq ne padhi ayat qurani

Hua ye aqd alishan mamuli tariqe se
Huye taqseem khurme ghair mamuli saliqe se

Mubarak ho mubarak ho, Mubarak ho mubarak ho
Mubarak ho mubarak ho, Mubarak ho mubarak ho

Dom tha saal hijri aur zil-haj ka maheena tha
Payambar baad jang-e-badr jaan bakhshe madeena tha

Irada aapne (saw) ab rukhsat-e-Zohra ka farmaya
Mohabbat se janabe murtaza ko paas bulwaya

Bahot ehsas tha Haidar ki nadari kaha di ko
Kaha hai kuchh tumhare paas ikhrajat shadi ko

Kaha ye ek maznoon-e-adaq hai ya rasoolullah (saw)
Faqat naame rasoolo naam haq hai ya rasoolullah (saw)

Kaha phir wo zirah kiya ho gayin jo tumne payi thi
Jo roze badr me dame tumhare hath ayi thin

Kaha maujood hai hazrat ne farmaya wo kafi hai
Tum usko bech dalo jo bhi hath aya wo kafi hai

Zirah bechi Ali (ra) ne char sau assi (480) daraham me
Bakaule shibliye marhoom isse se bhi bahut kam hai

Thi shadi Fatimah (ra) ki sadgi ka tarpana sara
Waleema bhi isi me aur isi me mehar bhi sara

Mubarak ho mubarak ho, Mubarak ho mubarak ho
Mubarak ho mubarak ho, Mubarak ho mubarak ho

Jahez inko mila jo kuchh shahanshah-e-do alam se
Mila hai dars hamko sadgi ka fakhr adam se

Mataye duniyawi jo hissa-e-Zohra (ra) me ayi thi
Khajuri khurdare se baan ki ek charpai thi

Mushaqqat umr bhar karna jo likha tha muqaddar me
Mili thi chakkiyan do taake ata pees le ghar me

Ghade matti ke do the aur ek chamde ka gadda tha
Na aisa khushnuma tha ye na bazr-e-bor behda tha

Bhare the isme rui ki jagah patte khajuron ke
Ye wo saman tha jis par jaan-o-dil qurban huron ke

Wo Zohra (ra) jinke ghar tasneem-o-kausar ki thi alzani
Mili thi mashk unko taake khud laya karen pani

Mila tha faqr-o-faqa hi magar asli jahez unko
Ke bakhshi thi khuda ne ek jabeen-e-sajdahrez unko

Chali thin baap ke ghar se Nabi (saw) ki ladli pahne
Haya ki chadaren iffat ka jama sabr ke gahne

Redaye faqr bhi hasil thi tuafiq-e-sakhawat bhi
Ke hona tha ise sartaj khatunan-e-jannat bhi

Isi ki tarbiyat me uswa tha yamno saadat ka
Isi ki god se dariya ubalna tha shahadat ka

Wohi ghairat jo mehre khatme haq ka nagina thi
Ameen ki ladli hi us amanat ki ameena thi

Ali-ul-murtaza ne aj taj-e-hal ata paya
Dulhan ki shaql me ek pekare sidq-o-afa paya

fidar ke ghar se rukhsat ho ke Zohra apne ghar aayi
Tawkkal ke khazane daulat-e-mehro wafa layi

Mubarak ho mubarak ho, Mubarak ho mubarak ho
Mubarak ho mubarak ho, Mubarak ho mubarak ho

Ishopad kar chala beti ke ghar haadi zamane ka
Dar-e-baite Ali (ra) par izn manga andar ane ka

Bahe tahzeeb ummat izn hasil kake Sarwar ne
Ziya is ghar ko bakhshi zeenaten merab membar ne

Bashakhkhat sada pani ka pyala ek mangwaya
Dua dam karke khud thoda sa pani nosh farmaya

Diyen pani ke chheeten seena-o-bazu-e-Haidar par
Yehi pani rasoolullah (saw) ne chhidka pak dukhtar par

Mohabbat our shafqat se bitha kar paas dono ko
Dua ki ae khuda ye aqd aye raas dono ko

Ho inki nasl ya rab do jahan me khair ka baais
Ye aqd-e-khair hon kono makan me khair ka baais

Khudawnda inhen pakizah se pakizah tar kar de
Amal me de asar inke irade khair se bhar de

Dua ke baad dukhtar se phir itni baat farma di
Ke maine mard afzaltar se kar di hai teri shadi

Adab se sar jhukaye saamne istadah the dono
Haya dari ki ek zinda shabi haisad the dono

Sitaron ko hai ab tak yad ye purkaif nazara
Morakhkhas apno pyaro se hua Allah ka pyara

Review Overview

Your review is very important to us. We will welcome your review and try to improve more for you. Please click on stars to give your review.

User Rating: 3.48 ( 4 votes)
Tags

Leave a Reply

avatar
  Subscribe  
Notify of
Close
Close