ArtistMuzaffar Raza

Hashr Me Phir Milenge


21823 downloads

Hashr me phir milenge mere doston
Bas yahi hai maqam akhri akhri

Kahna sab jeete ji ke hain shikwe gile
Aaj se khatm duniya ke sab silsile

Shamma dhalne ko hai dam nikalne ko hai
Ab hai qissa tamam akhri akhri

Mujhko nahla ke pahna diye hain kafan
Ro chuke milke maa baap bhai bahan

Maut bhi doston aaj hairat me hai
Ab hai qissa tamam akhri akhri

Khushbuon me kafan ko basane lage
Meri mayyat ko dulhan banane lage

Khushbuon me kafan ko basane lage
Meri mayyat ko dulhan banane lage

Doston ab uthao janazah mera
Ho chuka intezam akhri akhri

Mujhko zer-e-zameen yaar dafna gaye
Kis qadar sang-dil ho ke farma gaye

Mujhko zer-e-zameen yar dafna gaye
Kis qadar sangdil ho ke farma gaye

Doston chain ki neend sote raho
Bas yahi hai maqam akhri akhri

Huye naamwar be-nishan kaise kaise
Zameen kha gayi naujawan kaise kaise

Duniya bani hai jab se laakhon caror aaye
Baqi raha na koi mitti me sab samaye

Ye alishan bangle kuchh kaam ke nahin hain
Makhmal pe sone walon mitti pe so rahe hain

Shah-o-gada wahan sab ek ho rahe hain
Dono suye baraber ye maut ka asar hai

Kaisi duniya hai murshid ghazab re ghazab
Chand dinon me yahan bhool jate hain sab

Jis bahane meri yaad aa jaye to
padh lena ye kalam akhri akhri

Zindagi ne jahan tak wafa ki rahi
Chal diye ab salam akhri akhri

Hashr me phir milenge mere doston
Hashr me phir milenge mere doston

User Rating: 4.09 ( 70 votes)
Tags

2
Leave a Reply

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
zohaib ahmedNaseer Recent comment authors
  Subscribe  
Notify of
Naseer

MASHALLAH verry heart touching naath

zohaib ahmed
zohaib ahmed

jesi naat achi hai wesi awaaz achi hai

Close
Close