Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Aqib FaridArtistUrdu

Ilahi Teri Chaukhat Par – Aqib Farid


119 downloads

Ilahi teri chaukhat par
Bhikari banke aya hun

Sarapa faqr hun
Ijz-o-nadamat sath laya hun

Bhikari wo ke jiske paas
Jholi hai na pyala hai

Bhikari wo jiske hirs-o-hawas
Ne maar dala hai

Mataa-e-deen-o-danish
Nafs ke hathon se lutwa kar

Sukun-e-qalb ki
Daulat hawas ki bhent charha kar

Luta kar sari poonji
Ghaflat-o-isiya ki daldal me

Sahara lene aya hun
Tere kaabe ke aanchal me

Gunahon ki lipat se
Qayenat-e-qalb afsurda

Irade muzmahil himmat
Shikasta housle murda

Kahan se laaun taqat
Dil ki sacchhi tarjumani ki

Ke kis jhanjhal me guzri hain
Ghadiyan zindgani ki

Khulasa ye ke bas
Jal bhun ke apni ruh siyahi se

Sarapa faqr ban kar apni
Halat ki tabahi se

Tere darbar me laya hun
Apni ab zaboon hali

Teri chaukhat ke layaq
Har amal se hath hai khali

Ye tera dar hai tere mehar
Ka darbar hai maula

Sarapa noor hai
Ek muhabbat-e-anwar hai maula

Teri chaukhat ke jo aadab hain
Main unse khali hun

Nahin jisko saliqa mangne ka
Wo sawali hun

Zuban gharq-e-nadamat dil ki
Nakas tarjumani par

Khudaya raham meri is
Zaban-e-bezubani par

Ye ankhen khushk hain
Ya rab inhen rona nahin aata

Sulagte dagh hain
Dil me jinhen dhona nahin aata

Ilahi teri chaukhat par
Bhikari banke aaya hun

User Rating: 2.73 ( 2 votes)
Tags

Leave a Reply

avatar
  Subscribe  
Notify of
Close
Close