Anas YounusArtist

Phir Peshe Nazar Gumbad-e-Khazra

Phir pesh-e-nazar gumbade khazra-e-haram hai
Phir naam-e-khuda rauza-e-jannat me qadam hai

Phir shukr-e-khuda samne mehrab-e-Nabi (saw) hai
Phir sar hai mera aur tera naksh-e-qadam hai

Mehrab-e-Nabi hai ke koi toor-e-tajalli
Dil shouq se labrez hai aur aankh bhi nam hai

Phir mannaten darban ka aezaj mila hai
Ab dar hai kisi ka na kisi cheez ka gham hai

Phir bargah-e-sayyad-e-konain me pahuncha
Ye unka karam unka karam unka karam hai

Ye zarra-e-nacheez hai khursheed badama
Dekh unke ghulamon ka bhi kya jaa-o-hasham hai

Rag rag me mohabbat ho Rasool-e-Arabi ki
Jannat ke khazan inki yehi bai salam hai

Wo rehmat-e-alam hain shah-e-aswad-o-ahmar
Wo sayyad-e-konain hai aaqa-e-umam hai

Wo alam-e-tauheed ka mazhar hai ke jisme
Mashriq hai na Maghrib hai Arab hai na Ajam hai

Dil Naat-e-Rasool-e-Arabi (saw) kehne ko bechain
Alam hai tahayyur ka zuban hai na qalam hai

Phir pesh-e-nazar gumbade khazra-e-haram hai
Phir naam-e-khuda rauza-e-jannat me qadam hai

Review Overview

Your review is very important to us. We will welcome your review and try to improve more for you. Please click on stars to give your review.

User Rating: 3.48 ( 3 votes)
Tags

Leave a Reply

avatar
  Subscribe  
Notify of
Close
Close